85 సంవత్సరాల వృద్ధురాలిని క్షేమంగా వారి బంధువులకు అప్పగించిన సిద్దిపేట టూ టౌన్ బ్లూ కోల్డ్స్

(చట్టం - సిద్దిపేట / పిట్ల శ్రీనివాస్) ఇంటి నుండి వెళ్ళి తప్పిపోయిన 85 సంవత్సరాల వృద్ధురాలిని క్షేమంగా వారి బంధువులకు సిద్దిపేట టూ టౌన్ బ్లూ కోల్డ్స్ సిబ్బంది అప్పగించారు. నూకల శివవ్వ భర్త మల్లయ్య, వయస్సు 85 సంవత్సరాలు సిద్దిపేట పట్టణం ఖాదర్ పుర ఆమె ఇంటి నుండి బయటకు వెళ్లి కనపడలేదు, వారి బంధువులు పోలీస్ స్టేషన్ కు వచ్చి సమాచారం అందించగా ఈరోజు సిద్దిపేట టూ టౌన్ బ్లూ కోల్డ్స్ విధులు నిర్వహిస్తున్న కానిస్టేబుళ్లు రమేష్, ఆనంద్ భోగేశ్వర ఆలయం పరిసర ప్రాంతాల్లో ఒక ఆడ మనిషి ఉన్నట్లు సమాచారం రావడంతో వెంటనే వెళ్లి విచారించి వారి కుమారుల కు ఫోన్ చేసి పిలిపించి ఆమెను వారికి అప్పగించారు.ఈ సందర్భంగా టు టౌన్ సిఐ పరశురామ్ గౌడ్, మరియు ఆమె కొడుకులు పోలీస్ సిబ్బందిని అభినందించారు.