ప్రస్తుతం ఎన్టీఆర్, రామ్ చరణ్ ఇద్దరూ కలిసి రాజమౌళి దర్శకత్వంలో ‘ఆర్ఆర్ఆర్’ సినిమా చేస్తున్నారు. కాల్పనిక స్వాతంత్య్ర పోరాట నేపథ్యంలో విజయేంద్ర ప్రసాద్ ఈ సినిమా కథను రెడీ చేసాడు. ఈ సినిమాలో రామ్ చరణ్ అల్లూరి సీతారామరాజు పాత్రలో నటిస్తే.. ఎన్టీఆర్ కొమరం భీమ్ పాత్రలో నటిస్తున్నారు. బాలీవుడ్ అగ్ర హీరో అజయ్ దేవ్గణ్ కథను కీలక మలుపు తిప్పే పాత్రలో నటించబోతున్నట్టు ఇప్పటికే రాజమౌళి తెలిపారు. ఇక తెలుగు తెరపై చాలా ఏళ్ల తర్వాత ఇద్దరు బడా మాస్ హీరోలు కలిసి నటిస్తోన్న అసలు సిసలు మల్టీస్టారర్ మూవీ ఇది. ఈ చిత్రం పై తెలుగు ఇండస్ట్రీలో చాలా అంచనాలు ఉన్నాయి. పైగా బాహుబలి సిరీస్ తర్వాత రాజమౌళి ఈ సినిమాను డైరెక్ట్ చేస్తుండటంతో ఈ సినిమాపై దేశ వ్యాప్తంగా అన్ని ఇండస్ట్రీస్లో అంచనాలున్నాయి. ఈ సినిమాకు తెలుగులో రౌద్రం రణం రుధిరం అనే టైటిల్ ఖరారు చేసారు. ఈ సినిమాలో ఇప్పటికే రామ్ చరణ్ పుట్టినరోజు సందర్భంగా రిలీజ్ చేసిన టీజర్కు మంచి రెస్పాన్స్ వచ్చింది. అల్లూరి సీతారామరాజు పాత్రలో చరణ్ గెటప్కు మంచి రెస్పాన్స్ వచ్చింది.
ఇక ఎన్టీఆర్ పుట్టినరోజుకు ఏదైనా టీజర్ వస్తుందని ఆశించిన ప్రేక్షకులకు మాత్రం నిరాశే మిగిలింది. అప్పటికే దేశంలో లాక్డౌన్ ప్రకటించడంతో తారక్కు సంబంధించిన టీజర్ను విడుదల చేయలేకపోతున్నట్టు చిత్ర యూనిట్ ప్రకటించింది. ప్రస్తుతం లాక్డౌన్ సడలింపుల నేపథ్యంలో షూటింగ్ ప్రారంభించాలనుకున్నారు. కొంత మంది డూప్తో ట్రయల్ షూట్ చేద్దామనుకున్నారు. కానీ ఎందుకో వర్కౌట్ కాలేదు. ఆ తరాత రాజమౌళితో పాటు, నిర్మాత దానయ్యకు కరోనా రావడంతో మరింత ఆలస్యం అయింది. ఇక ఈ సినిమా షూటింగ్ను వచ్చే నెల నుంచి మొదలు పెట్టనున్నారు.
0 Comments