అనుకున్నట్లుగానే..ఆగస్టు 12వ తేదీన తొలి వ్యాక్సిన్ విడుదల చేస్తామని రష్యా ఆరోగ్య మంత్రి ఒలేగా గ్రిడ్నెవ్ ప్రకటించారు. గమలేయ రీసెర్చ్ ఇనిస్టిట్యూట్, రష్యా రక్షణ మంత్రిత్వ శాఖ సంయుక్తంగా…ఈ వ్యాక్సిన్ ను తయారు చేశారని తెలిపారు. ప్రస్తుతం చివరి దశ ట్రయల్స్ జరుగుతున్నాయని, వైరస్ సోకిన వారిలో రోగ నిరోధక శక్తి పెరిగితే..వ్యాక్సిన్ సురక్షితమని వెల్లడించారు.
తొలి దశలో వ్యాక్సిన్ ను వైద్యాధికారులు, సీనియర్ సిటిజన్లకు వేస్తామన్నారు. జూన్ 18వ తేదీన ఈ వ్యాక్సిన్ క్లినికల్ ట్రయల్స్ ప్రారంభమయ్యాయని, 38 మంది వాలంటీర్లపై వ్యాక్సిన్ ను ప్రయోగించామని, వీరిలో రోగ నిరోధక శక్తి పెరగడం గుర్తించామన్నారు. నిబంధనలకు లోబడి వ్యాక్సిన్ ను తయారు చేయడం జరిగిందన్నారు. అక్టోబర్ లో ప్రజలందరికీ ఉచితంగా వ్యాక్సినేషన్ ఇస్తుందనే ప్రచారం జరుగుతోంది.
రష్యా ప్రకటించనట్లుగా..వ్యాక్సిన్ అందుబాటులోకి తెచ్చి..వైరస్ కు అడ్డుకట్ట వేస్తే..ప్రపంచంలో కరోనా వ్యాక్సిన్ తయారు చేసిన మొట్టమొదటి దేశంగా రష్యా రికార్డు నెలకొల్పుతుంది.
వ్యాక్సిన్ ట్రయల్స్ అన్నీ పూర్తవ్వాలి: డబ్ల్యూ హెచ్‌‌‌‌‌‌‌‌వో
వ్యాక్సిన్ ట్రయల్స్ , డెవలప్‌‌‌‌‌‌‌మెంట్‌‌‌‌‌‌‌‌కు సంబంధించి రూపొందించుకున్న మార్గదర్శకాలు ఫాలో కావాలని రష్యాను వరల్డ్‌ హెల్త్‌ ఆర్గనైజేషన్‌ (డబ్ల్ యూహెచ్‌‌‌‌‌‌‌‌వో) కోరింది. వ్యాక్సిన్ రెగ్యులేటరీ అప్రూవల్‌ కోసం వచ్చే వారం అప్లై చేస్తామని రష్యా చెప్పడంతో డబ్ల్ యూహెచ్‌‌‌‌‌‌‌‌వో స్పందించింది. ట్రీట్‌‌‌‌‌‌‌మెంట్‌ కోసం బయటకొచ్చే వ్యాక్సిన్ అన్ని ట్రయల్స్ పూర్తి చేసుకోవాలంది. ‘వ్యాక్సిన్ పని చేస్తదని అనుకోవడానికి, ట్రయల్స్ పూర్తి చేసుకోవడానికి చాలా తేడా ఉంటుంది’ అని చెప్పింది. గమలేయ రీసెర్చ్ ఇన్స్‌స్టిట్యూట్‌ రెడీ చేస్తున్న ఈ వ్యాక్సిన్ ప్రస్తుత అడ్వాన్స్ డ్‌ స్టేజ్‌ లో ఉందని, రిజిస్ట్రేషన్‌ ప్రాసెస్‌ ను పాసవుతుందని రష్యా అధికారులు చెప్పారు.
0 Comments