విషాద ఘటన కారు డోర్ లాక్.. ముగ్గురు పిల్లల మృతి

కృష్ణా జిల్లా బాపులపాడు మండలం రేమల్లె గ్రామంలో విషాదం చోటుచేసుకుంది. ఆడుకుంటూ కార్లోకి వెళ్లిన ముగ్గురు బాలికలు ఊపిరాడక మృతి చెందారు. కారు డోర్‌ లాక్‌ అవడంతో ఊపిరి ఆడక చిన్నారులు ప్రాణాలు కోల్పోయినట్లు స్థానికులు తెలిపారు. స్థానిక స్పిన్ టెక్స్ట్ కర్మాగారం క్వార్టర్స్‌లో ఈ ప్రమాదం జరిగింది. మృతులు ముగ్గురూ ఆరేళ్ల వయస్సువారే. ఇద్దరు పశ్చిమబంగాల్‌, మరొకరిని ఒడిశాకు చెందిన బాలికగా గుర్తించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.