దాశరథి పురస్కార గ్రహీత డా!తిరునగిరి రామానుజయ్య కు సిద్దిపేట కవుల అభినందనలు

(చట్టం - సిద్దిపేట / పిట్ల శ్రీనివాస్) ప్రగతి భవన్ లో రాష్ట్ర ముఖ్యమంత్రి కెసిఆర్ చేతుల మీదుగా దాశరథి పురస్కారంతో పాటుగా లక్ష రూపాయలు నగదు అందుకున్న తిరునగిరి రామానుజయ్య కు సిద్దిపేట కవులు ఉండ్రాళ్ళ రాజేశం, వరుకోలు లక్ష్మయ్య, ఆదిమూలం చిరంజీవి, బస్వ రాజ్ కుమార్, శాడ వీరారెడ్డి, కోణం పర్శరాములు, గొర్రె రాజేందర్, సుధాకర్, తిరుపతి, అనిశెట్టి సతీష్ కుమార్, కమ్మరి శ్రీనివాసచారి లు అభినందనలు తెలిపారు. డా!తిరునగిరి సిద్దిపేటలో జరిగిన పలు పుస్తకావిష్కరణలు, సాహిత్య కార్యక్రమాలలో పాల్గోన్న విషయాలను గుర్తుచేశారు. తిరునగిరి రామానుజయ్య కు దాశరథి కృష్ణమాచార్య, కాళోజీ నారాయణ రావు, సినారె లతో అనుబంధం వుందని, తెలుగు సాహిత్య వికాసానికి పలు ప్రక్రియలలో రచనలు చేసిన తిరునగిరి దాశరథి పురస్కారం అందుకోవడం సంతోషంగా ఉందని తెలిపారు.