ఆంధ్రప్రదేశ్ లోని సీఎం వైఎస్ జగన్ సర్కార్ కీలక ప్రకటన చేసింది. జగనన్న విద్యాదీవెన పథకం లబ్ధిదారులకు గుడ్ న్యూస్ చెప్పింది. ఈ పథకం లబ్ధిదారులకు ఫీజు రీయింబర్స్ మెంట్ డబ్బులను ఏప్రిల్ 16న విడుదల చేయనున్నట్లు తెలిపింది. దీంతో కొన్ని రోజుల ఈ పథకం విషయంలో నెల కొన్న గందరగోళానికి తెరపడింది. వాస్తవానికి ఈ నెల 9న లబ్ధిదారుల ఖాతాల్లో ప్రభుత్వం డబ్బులు జమ చేయాల్సి ఉంది.
వైరల్ అవుతున్న వాట్సప్ స్టేటస్లు
అయితే డిగ్రీ, పీజీ, ఇంజనీరింగ్ కోర్సుల్లో ప్రవేశాలు పొందిన విద్యార్థులు అప్లై చేసుకోవడంలో ఆలస్యం కావడంతో జగనన్న విద్యాదీవెన డబ్బులు జమ కావడం ఆలస్యమైంది. దీంతో ఏమైందో తెలియక లబ్ధిదారులు గందరగోళానికి గురయ్యారు. ఈ నేపథ్యంలో ఈ నెల 16న విద్యార్థుల తల్లుల ఖాతాల్లో డబ్బులను జమ చేస్తామని సర్కార్ తెలిపింది. దాదాపు పది లక్షల మంది ఈ పథకం ద్వారా లబ్ధి పొందనున్నారు. దీంతో ఆయా వర్గాల్లో ఆనందం వ్యక్తమవుతోంది.
తెలుగు హిట్ సాంగ్స్ లిరిక్స్ కోసం ఇక్కడ క్లిక్ చేయండి
ఇదిలా ఉంటే.. ఎన్నికల సమయంలో ఇచ్చిన హామీ మేరకు నవరత్నాలలో భాగంగా సీఎం జగన్ ప్రభుత్వం జగనన్న విద్యాదీవెన, జగనన్న వసతి దీవెన పథకాలను ప్రతిష్టాత్మకంగా అమలు చేస్తోంది. పేద విద్యార్థులకు ఉన్నత విద్యను సులభంగా అందించేందుకు ప్రభుత్వం ఈ పథకాన్ని అమల్లోకి తెచ్చింది. ఫీజు రీయింబర్స్‌మెంట్‌ను కాలేజీలకు కాకుండా నేరుగా తల్లుల బ్యాంకు ఖాతాల్లో ప్రభుత్వం జమ చేస్తుంది. నాలుగు త్రైమాసికాలకు డబ్బు ఇస్తారు. విద్యార్థుల తల్లిదండ్రులు కాలేజీకి వెళ్లి సంబంధిత ఫీజు కట్టాల్సి ఉంటుంది. తల్లిదండ్రులే నేరుగా ఫీజులు నేరుగా చెల్లించడం వలన కాలేజీల్లో విద్యాబోధన, సౌకర్యాలు, ఇతర వసతుల గురించి తెలుసుకునేందుకు వీలు పడుతుందన్నది సర్కారు భావన.
0 Comments