షోలో కన్నీటి పర్యంతమైన సోనూ సూద్

Sonu Sood Gets Emotional  : క‌రోనా నేప‌థ్యంలో మొత్తం అన్ని సినిమా, సీరియ‌ల్స్, షోల షూటింగులు ఆగిపోయిన సంగ‌తి తెలిసిందే. తాజాగా స‌డ‌లింపులు ల‌భించ‌డంతో ఈ మ‌ధ్యే ప్ర‌భుత్వ నిబంధ‌న‌ల ప్ర‌కారం కొన్ని షూటింగ్స్ ప్రారంభ‌మయ్యాయి. ఈ క్ర‌మంలో దాదాపు 120 రోజుల విరామం త‌ర్వాత ‘కపిల్ శర్మ షో..పునఃప్రారంభ‌మైంది.


లాక్ డౌన్ అనంత‌రం మొద‌టి ఎపిసోడ్ ఆగ‌ష్టు 1 రాత్రి 9:30 గంటలకు ప్రసారం అయింది. ఈ ఎపిసోడ్ కు అతిథిగా ప్ర‌ముఖ న‌టుడు సోనూ సూద్ వ‌చ్చారు. ప్రొమోతోనే ఆసక్తిరేపిన ఈ ఎపిపోడ్..ప్ర‌సార స‌మయంలో భారీ రేటింగ్ సంపాదించింది. ఇక షో మ‌ధ్య‌లో వ‌ల‌స కూలీల‌తో వీడియో కాల్​లో మాట్లాడిన సోనూ..వారి మాట‌ల‌కు క‌న్నీటి ప‌ర్యంత‌మ‌య్యారు. కాగా క‌పిల్ శర్మ సోనూ ఎపిసోడ్ గురించి ప్ర‌త్యేకంగా ట్వీట్ చేశారు. సోనూ సూద్​ను ‘ది రియల్ హీరో ఆఫ్ 2020’గా పేర్కొన్నారు.సోనూ పాజీతో తీసిన ఈ ఎపిసోడ్.. అన్నింటికన్నా ప్రత్యేకమైనదని కపిల్ తెలిపారు.