ఏపీలో పేద, మధ్యతరగతివారికి అదిరిపోయే శుభవార్త.. సీఎం జగన్ సంచలన నిర్ణయం

సీఎం అధికారులతో క్యాంపు కార్యాలయంలో సమీక్షా సమావేశం నిర్వహించారు. అధికారులకు పలు సూచనలు చేశారు..

కీలక నిర్ణయాలు తీసుకున్నారు. గతంలో పట్టణాలు, నగరాల్లో వైఎస్సార్‌ హయాంలో రాజీవ్‌ స్వగృహ పేరిట మధ్యతరగతి ప్రజలకు తక్కువ ధరలకు ఫ్లాట్లు ఇవ్వాలని ప్లాన్ చేశారు. ఇప్పుడు ఫ్లాట్లకు బదులు వివాదాల్లేని విధంగా, క్లియర్‌ టైటిల్‌తో తక్కువ ధరకు ప్లాట్లు ఇవ్వాలని ఆలోచన చేశారు.

ప్రభుత్వమే లే అవుట్లను అభివృద్ధిచేసి ప్లాట్లను తయారుచేసి లబ్ధిదారులకు కేటాయించాలని ఆలోచన చేశారు. ప్రైవేట్ వ్యక్తుల వద్ద స్థలాలు కొనుక్కుంటున్న వారికి అనేక ఆందోళనలు ఉన్నాయని.. సరైన, అన్నిరకాల అనుమతులు ఉన్నాయా లేవా అనే భయాలు వెంటాడుతున్నాయన్నారు.

 లే అవుట్ల అభివృద్ధిని ప్రభుత్వమే చేపడితే అలాంటి ఆందోళనలు, భయాలు ఉండవని సీఎం అభిప్రాయపడ్డారు. వివాదాలు లేకుండా, క్లియర్‌ టైటిల్స్‌తో కూడిన ఇంటి స్థలాలు, ప్రభుత్వం లాభాపేక్షలేకుండా తక్కువ ధరకు మధ్యతరగతి ప్రజలకు అందుబాటులోకి వస్తాయన్నారు. లాటరీ పద్ధతిలో లబ్ధిదారులకు ఈ ప్లాట్లను అందించాలన్నారు.. మధ్యతరగతి ప్రజలకోసం కూడా ఏదైనా చేయాలన్న తపనతో ఈ ఆలోచన వచ్చిందన్నారు. త్వరలోనే ఈ దిశగా అడుగులు వేయనున్నారు. అధికారులు దీనికి సంబంధించిన పాలసీని సిద్ధం చేయాలని సీఎం ఆదేశించారు.

సీఎం జగన్

శాలిడ్‌వేస్ట్‌ మేనేజ్‌మెంట్‌పై కొత్త విధానాలను కూడా పరిశీలించాలని అధికారులకు సూచించారు. పట్టణ గృహనిర్మాణాన్ని వేగతవంతం చేయాలని.. మంగళగిరి, తాడేపల్లి మున్సిపాల్టీలతో మంగళగిరి – తాడేపల్లి మున్సిపల్‌ కార్పొరేషన్‌ ఏర్పాటు.. దీనికి సంబంధించి రూ.1000 కోట్లతో డీపీఆర్‌ను త్వరగా ఆమోదించేలా చర్యలు తీసుకోవాలని అధికారులను సీఎం ఆదేశించారు. ఈ లే అవుట్లను వినూత్నంగా, అందంగా తీర్చిదిద్దాలని.. దీనిపై ఒక పాలసీని తీసుకురావాలని సూచించారు.

 వైఎస్సార్‌ జగనన్న కాలనీల్లో అండర్‌ గ్రౌండ్ ‌డ్రైనేజీ సహా ఇతర అంశాలపై ఫోకస్ పెట్టాలని.. పట్టణాభివృద్ధి సంస్ధల పరిధిలో దాదాపు 16 వేలకుపైగా లే అవుట్స్‌ వచ్చాయన్నారు. రాష్ట్రంలో 17 రెవెన్యూ గ్రామాలు ఉంటే.. మనం మరో 17వేల కాలనీలు కడుతున్నామని..కొన్నిచోట్ల నగర పంచాయతీలుగా కూడా చేస్తున్నామన్నారు. పార్కులు, గ్రామ, వార్డు సచివాలయాలు, విలేజ్‌ క్లినిక్స్‌.. ఇవన్నీకూడా ఈ కాలనీల్లో తీసుకు రావాలన్నారు.