ఆలోచించి ఓటు వేయండి: సీఎం కేసీఆర్

నాయకుల ఆలోచనలు, పనితీరు చూసి ఓటు వేయాలని హైదరాబాద్ ప్రజలకు సీఎం కేసీఆర్ పిలుపునిచ్చారు. ఓటు వేసే ముందు ప్రజలు విచక్షణతో ఆలోచించాలని ఆయన కోరారు. ఎల్బీస్టేడియంలో నిర్వహించిన బహిరంగ సభలో సీఎం కేసీఆర్ ప్రసంగించారు. ‘‘సందర్భాలు వస్తుంటాయ్.. పోతుంటాయ్. ఎవరెవరి వైఖరి ఎలా ఉంది అనేది ప్రజలు ఆలోచించుకోవాలి. టీఆర్ఎస్ ఉద్యమ పార్టీగా ఉండదు. రాజకీయ పార్టీగా పని చేస్తుందని గతంలోనే చెప్పాను. హైదరాబాద్‌లో ఉన్న ప్రతి ఒక్కరు మా బిడ్డే అని ఎప్పుడో చెప్పాం. గత ఏడేళ్లలో ఎలాంటి వివక్ష లేకుండా పాలన చేశాం. అందరి అంచనాలను తలకిందులు చేస్తూ కరెంట్ బాధలు తీర్చాం’’ అని సీఎం కేసీఆర్ అన్నారు.