చిత్తూరు జిల్లా పర్యటనకు సీఎం జగన్.. మూడు జిల్లాల్లో ఏరియల్ సర్వే

ఏపీ ముఖ్యమంత్రి వైఎస్ జగన్‌మోహన్‌రెడ్డి చిత్తూరు జిల్లా పర్యటనకు వెళ్లనున్నారు. నివర్ తుఫాన్ ప్రభావంతో వణికిపోయిన చిత్తూరు, నెల్లూరు, కడప జిల్లాలను సీఎం జగన్‌ ఏరియల్‌ సర్వే ద్వారా పరిశీలించనున్నారు. శనివారం ఉదయం 8.30 గంటలకు తాడేపల్లి నుంచి బయలుదేరనున్న సీఎం.. ఉదయం 9.45 గంటలకు రేణిగుంట విమానాశ్రయంకు చేరుకుని.. కడప, చిత్తూరు, నెల్లూరు జిల్లాల కలెక్టర్లు, అధికారులతో వరద ప్రభావంపై సమీక్ష నిర్వహిస్తారు. అధికారులు, ప్రజాప్రతినిధులతో మాట్లాడి.. 10 నుంచి 11.30 గంటల వరకు తుఫాను కారణంగా మూడు జిల్లాల్లో జరిగిన భారీ నష్టాన్ని ఏరియల్‌ సర్వే ద్వారా పరిశీలిస్తారు. అనంతరం సీఎం మధ్యాహ్నం 2.05 గంటలకు తాడేపల్లి చేరుకుంటారు.

చిత్తూరు జిల్లా పర్యటనక

తుఫాన్ ప్రభావంతో మూడు రోజులుగా రాష్ట్రంలో భారీ వర్షాలు పడుతున్నాయి. చిత్తూరు, నెల్లూరు, కర్నూలు, కడప, అనంతపురం, ప్రకాశం, గుంటూరు, కృష్ణా జిల్లాల్లో ఓ మోస్తరు నుంచి భారీ వర్షాలు కురిశాయి. వాగులు, వంకలు పొంగిపొర్లగా.. పలు చోట్ల రహదారులు, వంతెనలకు గండ్లు పడ్డాయి. స్తంభాలు నేలకొరగడంతో విద్యుత్‌ సరఫరా నిలిచిపోగా.. జనజీవనం అస్తవ్యస్తంగా మారింది. భారీ వర్షాలు, వరదలకు చిత్తూరు జిల్లాలో నలుగురు మృతి చెందగా.. కడప జిల్లాలో ఇద్దరు గల్లంతయ్యారు. రాష్ట్రవ్యాప్తంగా 2.18 లక్షల హెక్టార్లలో పంటలు దెబ్బతిన్నాయని వ్యవసాయ అంచనా వేస్తోంది.