ఉద్యోగాలు, ఉపాధి అవకాశాల కోసం మోదీ ప్రభుత్వం పెద్ద ప్లాన్

కరోనా వైరస్ సంక్షోభం జాబ్ మార్కెట్‌లో సంక్షోభం సృష్టించిన సంగతి తెలిసిందే. జాబ్ మార్కెట్ మాత్రమే కాదు... ఈ మహమ్మరి ప్రభావం అన్ని రంగాలపైనా ఉంది. ఈ సంక్షోభాన్ని ఎదుర్కోవడానికి కేంద్ర ప్రభుత్వం ఆత్మనిర్భర్ భారత్ ప్రోగ్రామ్ ప్రకటించింది. భారతదేశంలో ఉత్పత్తి మార్గాలు పెంచడంతో పాటు ఉద్యోగావకాశాలు కల్పించడం, మేడ్ ఇన్ ఇండియా, మేక్ ఫర్ వాల్డ్ లాంటి నినాదాలను సాకారం చేయడమే ఆత్మనిర్భర్ భారత్ ప్రోగ్రామ్ లక్ష్యం. ఈ ప్రోగ్రామ్ ద్వారా లక్షల కోట్లు ఖర్చు చేయబోతోంది. కొత్త ప్రాజెక్టుల్ని నిర్వహించనుంది. అంతేకాదు... ఇన్వెస్టర్లను ఆకట్టుకోవడానికి ప్రణాళికలు కూడా రూపొందిస్తోంది. ఏకంగా ఐదు లక్షల హెక్టార్ల భూమిని సిద్ధం చేస్తోంది. హాంకాంగ్ దేశంతో పోలిస్తే ఇది నాలుగు రెట్లు ఎక్కువ. 3390 ఇండస్ట్రియల్ బెల్ట్స్, స్పెషల్ ఎకనమిక్ జోన్లలో ఉన్న ఈ భూమితో నేషనల్ ల్యాండ్ బ్యాంక్ పోర్టల్‌ను రూపొందిస్తోంది కేంద్ర ప్రభుత్వం.